聽完這首歌,真的覺得很感動...希望大家聽完可以重新振作做回最原始的自己,為他人著想...因為每個人都可以很偉大。 991~
呢首歌係我特別為你而寫嘅
可能你而家唔知我講緊咩嘅
但係到你大個攞返呢隻歌係CD機度播
你會知道我為你做左D咩嘢
細路哥細細個仲細得幾多年
唔好俾你嘅童年淨係充滿考試同測驗
望下個天 咁好天 去下海邊
因為到你大個就會忘記乜嘢係大自然
做學生要爭取時間玩
有幾多功課做都好閒 唔駛喊
當你正式上班 先知道乜嘢叫慘
原來做功課好簡單 做人好難
唔好怪你學校好似好煩個幾個先生
因為冇一個先生係可以煩得過你老闆
唔好介意 記缺點只係小事
操行分就係玩緊迷你版嘅辦公室政治
唔好笑你同學仔 因為將來佢可能係
同你做一世嘅兄弟 呀 順便一提
千祈唔好食煙 點解 因為你想像唔到佢有幾難戒
Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破
大多幾歲 你會想搵返個情侶
老土D講一句 唔係有心就唔好追佢
你諗下佢流嘅眼淚
傷害佢 將來佢 唔再相信愛
你仲點過意得去
愛情係好玩但係唔好玩愛情
你一個唔小心 可能會影響佢一世人
我係過來人 我做錯 咪學我 再做錯 因此我
係啵 記住飲酒唔好飲咁多
尤其是有杯著晒火 一定要朋友幫下拖
貓到腳低都冇乜所謂 最怕起身係隔嚟
見到個我咁樣嘅男仔 你就知道乜嘢係蝕底
唔好隨便同人發生關係
話就話前事不提 都係另一種虛偽
因為 我始終認為
你老公都唔想知道佢有咁多襟兄弟
Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破
講到想講嘅都講過 需要分享我分享過
你始終會大個 你始終會離開我
每人都有名 每人都有姓
出世個一日就係最好嘅身份証明
每人都有名 每人都有姓
出世個一刻就係上天對你嘅肯定
Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破
路從來都係難行
但係無論幾難都好
我一定會係度陪你
你嚟到呢個世界 係一個安排
你會俾你想像中更加偉大
No comments:
Post a Comment