朗尼,佢原本係英超中下游球會愛華頓學徒，十六歲就升到一隊，響一場對阿仙奴嘅比賽射入咗一個世界波，以2-1砌低阿仙奴。嗰場波朗尼開始受到國家隊嘅注意，出席過2004年歐洲國家盃。打完嗰屆歐國盃後佢轉投曼聯，當年20+mil過當曼聯.....第一場出場已經迎來自己第一個帽子戲法，當時，好多曼迷都愛上咗個樣衰但肯在球場上不停奔跑渴望住自己拿波,性格火爆既黃毛小子 ，肥朗技術雖然唔係太過於優異,但在英格蘭風格上,佢既技術都算係細膩,而當時佢有英格蘭新金童之稱.2006年,曼聯c朗同肥朗（曼聯雙R）同時爆發,當時既曼聯進攻體系係以防守反擊著稱,肥朗同c朗以佢地擅長既速度配合進攻反擊在英超吃得好開...
2007年，隨著曼聯租借野獸,魔鬼三叉就此成型,費sir將肥朗,c朗,野獸為戰術主key而將當時防守反擊堆上另一個巔峰...隨著c朗既大爆發,朗尼卻毫無怨言做咗陪襯c朗既綠葉.也因為如此,隨著c朗一季爆入42球,朗尼也不甘示弱入得唔少,而野獸都經常在重要時刻入重要既波,令曼聯在當年奪得雙冠王.因此，c朗同朗尼也成為曼聯第二春既icon.
2009年夏天,皇馬80m豪買c朗過當..曼聯也在這宗交易賺得一筆可觀收入.但因為曼聯既財政狀況慘淡,條契弟班主格拉因為大量將自己私人虧欠放入曼聯...另到曼聯一年既銀行利息高達8000萬英鎊..真係屌佢老毛既臭high.
2009/10年 ，曼聯一剛一柔鋒線組合更加為入波帶來巨大既壓力，但令人驚喜既係,平時當慣陪襯既朗尼卻在曼聯最需要入波時企咗出來..當時
陣容缺少豪華,傷兵滿盈,但朗尼爆發平平入波另后防同中場既壓力大大減少,不過相對既係,朗尼既壓力也就此越來越大,但美中不足既係,朗尼單靠自己既爆發卻幫唔到曼聯拿到英超冠軍。
2010年 ,傳出朗尼要離開曼聯,費sir也親口承認朗尼有離意.當我聽到尼個消息,除咗震驚,真係冇其他既感覺..現在曼聯陣中,個人覺得下一個最有可能為曼聯踢到退休既此終都係肥朗,佢個種渴望皮球,熱愛,火爆既性格其實完完全全符合曼聯精神,仲有,當年佢曾經傷住都堅持要求打針為曼聯出場比賽..雖然尼條友鍾意叫雞,仲係d老雞同極度樣衰既雞..但尼d都冇可能滅除佢對足球以及曼聯既熱愛...宜家卻因為狀態差而俾曼迷數得佢一文不值,唉,尼個社會真係夠現實.隨著歐州財政腐敗,我諗曼聯都係其中一個受害得比較犀利既機構,宜家朗尼又要求要走,唯有係祝佢好運同希望格拉家族一日突然俾車撞死之外...真係天主保佑
No comments:
Post a Comment